။။ မတည်မြဲခြင်း ။။

ငါတို့ဟာ
အသက်ရှင်ခြင်း ၊ အိပ်စက်ခြင်း နှစ်ခုကြားက
ပုရွက်ဆိပ် တွေမျှသာ
အသက်ရှင်ပြီးတစ်နေ့
ငါတို့ထာဝရ အိပ်စက်ကြရမည်..။

အိပ်နေသူတစ်ဦးဟာ
မအိပ်ခင်က အကြောင်းကို မသိတော့သလို
ငါတို့ဟာလည်း
အရင်ဘ၀ကို ဘယ်သူမှ မသိနိုင်ဘူး..။

မသိခြင်းများနဲ့ ငါတို့ အသက်ရှူနေတာ
ရှူထုတ်တဲ့ လေဟာ မွေးကြိုင်ဖို့လိုတယ်
ရှူထုတ်တဲ့လေ နံစော်ပုပ်သိုး နေရင်
ငါတို့ရဲ့ ၀ိညာဉ်ဟာလည်း မဲညစ်နေလိမ့်မယ်။

မဲညစ်မှုကို ဘယ်သူမှ မလိုချင်ကြပါဘူး
မဲညစ်မှုကို စင်ကြည်အောင် ကြိုးစားသူရှိသလို
သိသိနဲ့ ပိုမဲညစ်အောင်လုပ်သူလည်း ရှိပြန်တယ်။

ရှိတာလေးနဲ့ မရောင့်ရဲ
အပတ်တကုတ် ရှာဖွေကြပေမယ့်
သေခြင်းတရားက ငါတို့ရင်ထဲမှာ တောင်ပံခတ်လို့
မျှော်လင့်မထားတဲ့ တစ်နေ့မှာတော့
သင်္ချိုင်းရဲ့ အမှောင်တံခါးကနေ
ကမ္ဘာမြေကြီးရဲ့ ရင်ခွင်ထဲမှာ
ပျော်ပျော်မွေ့မွေ့ အိပ်ပျော်နေကြရလိမ့်မည်...။


ငှက်ငယ်
17/10/2013
3:27:43