အရင်ဆုံး GPS Navigator ဆိုတာ ဘာလဲလို့ မသိသေးသူတွေအတွက်
ရှင်းပြချင်ပါတယ်။
လမ်းညွှန်စနစ် တစ်ခုပါ။ မိမိသွားလိုသောနေရာကို
မြေပုံထဲတွင် အမှတ်သားလုပ်ပေးပြီး Navigator က မိမိသွားရမယ့်
လမ်းကြောင်းကို ပြောပြပါမယ်။ ဘယ်ကွေ့ ၊ ညာကွေ့ စသဖြင့် ..
မိမိ သွားလိုတဲ့ နေရာကို မရောက်မချင်း လမ်းတိုင်း ၊ လမ်းတိုင်းမှာ
သွားလာရမယ့် ပုံစံများကို ညွှန်ကြားပေးတဲ့ စနစ်ကို ဆိုလိုပါတယ်။
မြို့တစ်မြို့ကို အလည်သွားတဲ့အခါ ကိုယ်သွားချင်တဲ့နေရာကို ..
Navigator ရဲ့ လမ်းညွှန်မှုဖြင့် အဆင်ပြေစွာ သွားလာနိုင်ပါတယ်။
လမ်းညွှန် GPS App တွေ တော်တော်များများ ကျွန်တော်တို့ဆီမှာ ..
သုံးလို့ အဆင်မပြေပါဘူး။ ဘာလို့လဲဆိုတော့ ကျွန်တော်တို့နိုင်ငံမြေပုံကို
အထောက်ပံ့မပေးတဲ့အတွက်ဖြစ်ပါတယ်။ အခုတော့ အဆင်ပြေသွားပြီ။
MapFactor Navigator က အရှေ့တောင်အာရှ နိုင်ငံအကုန်လုံးအတွက်
လမ်းညွှန်စနစ်များစွာ ထည့်သွင်းပေးထားတဲ့ အလန်းစား GPS ဖြစ်ပါတယ်။
မြန်မာပြည်မြေပုံကို အထောက်ပံ့ပေးပြီး ရန်ကုန်-မန္တလေး အပါဝင် ..
မြို့ တော်တော်များများ မှာ အသုံးပြုနိုင်ပါတယ်။
MapFactor Navigator ဟာ Offline GPS အမျိုးစားဖြစ်ပါတယ်။
ဒါကြောင့် လိုအပ်သော Data များကို အရင်ဆုံး download ဆွဲပေးရမယ်။
အရင်ဆုံး ကျွန်တော် တင်ပေးလိုက်တဲ့ app ကို install လုပ်လိုက်ပါ။
install လုပ်လို့ ဖွင့်လိုက်ရင် မြေပုံ မရှိသေးတဲ့အတွက် download ..
ဆွဲခိုင်းပါမယ်။ ကျွန်တော်တို့မြန်မာပြည်အတွက်ဆိုရင် မြန်မာပြည်မြေပုံ
အပါဝင် download ဆွဲရမယ့် data ပမာဏ (81MB) လောက်ရှိပါတယ်။
မြန်မာပြည်မြေပုံကို Union of Myanmar ဆိုပြီး ပါရှိပါတယ်။ ရှာလိုက်ပါ။
81MB ကို ဒေါင်းရမှာမို့ စိတ်မညစ်ပါနဲ့ .. လိုင်းကောင်းတဲ့အချိန်မှာ
မရမက ဆွဲလိုက်ပါ။ ကျွန်တော်လဲ တစ်နာရီလောက် အချိန်ပေးပြီး
စိတ်ရှည်ရှည်နဲ့ဆွဲခဲ့ရပါတယ်။ အချိန်ပေးရတာ တကယ်တန်ပါလိမ့်မယ်လို့
ကျွန်တော် အာမခံပါတယ်။ data တွေကို download ဆွဲပြီးသွားရင်တော့
လမ်းညွှန်စနစ်ကို စတင်အသုံးပြုနိုင်ပါပြီ။ လမ်းညွှန်စနစ်ကို အသုံးပြုဖို့
မိမိဖုန်းရဲ့ GPS function ကို ဖွင့်ပေးထားရပါမယ်။
စတင်အသုံးပြုလို့ရပြီဆိုရင် ပုံ(၁) အတိုင်း မြင်ရပါလိမ့်မယ်။
အသေးစိတ်ရှင်းပြရင်တော့ စာ အရမ်းရှည်သွားပါမယ်။ ဒီတော့ ..
အဓိက function ဖြစ်တဲ့ Navigate ဆိုတာကိုပဲ ရှင်းပြပါမယ်။
Navigate - ဒါကတော့ အဓိကအသုံးပြုရမယ့် function ပါ။
မိမိ သွားလိုသောနေရာကို မြေပုံမှာ မှတ်သားပေးရပါမယ်။
ပုံ(၂)ထဲက အတိုင်း မှတ်သားပေးရပါမယ်။ မှတ်သားပြီးလျင် ..
Navigate စတင်လုပ်လိုက်တာနဲ့ မိမိ အပြင်မှာ သွားလာတဲ့အတိုင်း ..
မြေပုံထဲမှ မြှားခေါင်းလေးက စတင်ရွေ့လျားပြီး သွားလိုတဲ့နေရာ ..
မရောက်မချင်း လမ်းညွှန်ပေးမှာဖြစ်ပါတယ်။ ဘာသာစကားကတော့
English လိုဖြစ်ပါတယ်။ အသုံးပြုရတာ မခက်ပါဘူး။ သေချာနားမလည်သေးရင်
အသေးစိတ် ကြည့်လို့ရအောင် Youtube link ပါ တင်ပေးလိုက်ပါတယ်။
အသုံးပြုနည်းတစ်ချို့ကို ရှင်းပြထားပါတယ်။
video review -
https://www.youtube.com/watch?v=sDovG4esP38
မှတ်ချက် - offline gps ဖြစ်တဲ့အတွက် internet connection မလိုအပ်ဘူး။
data တွေကိုသာ download ဆွဲထားလိုက်ရင် GPS ဖွင့်ပြီး သုံးလို့ရတယ်။
တကယ်ထိရောက်တဲ့ လမ်းညွှန်စနစ်ဖြစ်လို့ သုံးကြည့်ပါလို့ပြောပါရစေ။
Android 2.3 နှင့်အထက် ဖုန်းများတွင် အသုံးပြုနိုင်ပါတယ်။
download - MapFactor Navigator GPS (6MB)
download - MapFactor Navigator GPS (6MB)
ENJOY!
HNGET NGAI
0 comments:
Post a Comment